ЕРЕЖЕ

2025 жылғы «Almaty Copa Run» жүгіру жарысын өткізу туралы

 

2025 жылғы «Almaty Copa Run» (бұдан әрі – «Жарыс») – мынадай қашықтықтардан тұратын жүгіру жарысы:

• 100 м
• 1 000 м
• 3 000 м
• Эстафета 800 м – 400 м – 200 м – 100 м

Бұл – Алматы қаласының әрбір тұрғыны мен қонағы қатыса алатын жүгіру мен спорт сүйер қауымға арналған қалалық мереке.

• Жүгіру мен скандинавиялық жүрісті дамыту;
• Жүгірушілерді халықаралық марафондарға дайындау;
• Дені сау халықты қалыптастыру;
• Әлеуметтік спортты дамыту;
• Алматы қаласының тұрғындары мен қонақтарының арасында салауатты өмір салтын ұстануды дамыту;
• Жаман әдеттерден бас тарту;
• Ерекше қажеттіліктері бар қатысушылар арасында спортты қолдау және дамыту;

2.1.      Жарысты өткізу кезінде жалпы басшылықты «Бірінші болу – батылдық» корпоративтік қоры жүзеге асырады.

2.2.      Жарысты дайындау мен өткізуді ұйымдастыру «Бірінші болу – батылдық» корпоративтік қорының ұйымдастыру комитетіне (бұдан әрі – «Ұйымдастыру комитеті») жүктеледі.

3.1.      Жарысқа қатыса алатындар:

• Кәсіби спортшылар мен әуесқойлар.
• Әртүрлі жас тобындағы қатысушылар (қашықтық бойынша бөлінеді)

3.2.       Қатысу ұйымдастыру комитетінің ресми сайтында тіркелген және сөрелік жарнаны төлеген тұлғаларға қолжетімді.

3.3.        Қатысушылар міндетті:

• almaty-marathon.kz сайтында тіркелуі.
• Өзекті жеке деректерді ұсыну.
• Осы Ережеде көрсетілген іс-шараның ережелерін сақтау.

4.1.      Жарыстың өтетін күні мен уақыты:

2025 жылдың «16» наурызда , сағ. 08:30-ден 18:00-ге дейін.

          4.2.       Жарыстың өтетін орны: Алматы қаласы, Орталық стадион.

4.3.       Барлық қашықтықтардың сөресі мен мәресі:

                        Орталық стадион, Абай даңғылы, 48

5.1.      Жарыс бағдарламасына мына қашықтықтар енгізілді:

• 100 м
• 1 000 м
• 3 000 м
• Эстафета 800 м – 400 м – 200 м – 100 м

5.2.      Жарыстың жас санаттары:

5.2.1.   100 м жас санаттары:

• 18-24 года;
• 25-29 лет;
• 30-34 лет;
• 35-39 лет;
• 40-44 лет;
• 45-49 лет;
• 50 +.

5.2.2.   1 000 м жас санаттары:

• 18-24 года;
• 25-29 лет;
• 30-34 лет;
• 35-39 лет;
• 40-44 лет;
• 45-49 лет;
• 50 +.

5.2.3. 3 000 м жас санаттары:

• 18-24 года;
• 25-29 лет;
• 30-34 лет;
• 35-39 лет;
• 40-44 лет;
• 45-49 лет;
• 50 +.

Тіркелуге квалификация алу үшін өтінімді берген сәттен бастап соңғы 3 (үш) жыл ішінде өткен жарыстардың расталған нәтижелерін тіркеу қажет.

 

3000 м қашықтыққа қосылуға үміткерлерге арналған квалификациялық уақыт:

 

• Ерлер: 10 км – 50 минуттан аспау және/немесе 5 км – 25 минуттан аспау.
• Әйелдер: 10 км – 60 минуттан аспау және/немесе 5 км – 30 минуттан аспау.

6.1.      Жарысқа мына жас санаттарындағы адамдардың қатысуына рұқсат беріледі:

• 100 м қашықтығы – 18 жастан асқан қатысушылар.
• 1 000 м қашықтығы – 18 жастан асқан қатысушылар.
• 3 000 м қашықтығы – 18 жастан асқан қатысушылар.
• Эстафета 800 м – 400 м – 200 м – 100 м – 18 жастан асқан қатысушылар.

6.2.      Жарысқа тіркеу кезінде Жарыс өтетін кездегі толық жас мөлшері есепке алынады.

 

7.1.      Жарысты ұйымдастыру және өткізу шығындарын Ұйымдастыру комитеті көтереді.

7.2.      Жарыстың жол жүрумен, орналасумен және тамақтанумен байланысты шығындарын қатысушыларды іссапарға жіберген ұйымдар немесе Жарысқа қатысушылардың өздері көтереді.

 

8.1.      Жарысқа қатысушыларды жеке қашықтықтарға (100 м, 1 000 м және 3 000 м) тіркеу almaty-marathon.kz сайтында 2025 жылдың 20 қаңтарынан басталып, 2025 жылдың 3 наурызына дейін немесе 700 (жеті жүз) қатысушыға жеткен кезде аяқталады.

8.2.      Жарыстың корпоративтік қатысушыларын тіркеу info@almaty-marathon.kz электронды поштасына сұраным жолдау арқылы жүзеге асырылады.

Тіркелу шарттары:

• Бір компаниядан Жарысқа қатысушылар саны 30 (отыз) адамнан артық болуы тиіс.
• Жарысқа қатысушылар саны 30 (отыз) адамға жетпейтін ұйымдар мен компаниялар almaty-marathon.kz сайтында өз қызметкерлерін өздері тіркейді.

Жарыстағы жеке қашықтықтарға (100 м, 1 000 м және 3 000 м) корпоративтік қатысу ақысын Ұйымдастыру комитетінің есеп айырысу шотына ақша қаражатын аудару арқылы ұйым немесе компания төлейді. Тіркеу электронды поштаға сұраным жолдау және арнайы нысанды толтыру негізінде жүзеге асырылады.

8.3.      Келесі қатысушы Жарысқа тіркелген болып саналады:

1. almaty-marathon.kz сайтында нақты қашықтыққа тіркелген қатысушы;
2. қатысушының жеке нөмірін алған қатысушы;
3. сөрелік жарнаны төлеген қатысушы

Жарыстың қатысушылар тізіміне өтінім ақысын төлеген спортшылар ғана енгізіледі. 

8.4.      Жарысқа тіркелу және сөрелік жарнаны төлеген қатысушы осы Ережеде баяндалған барлық шарттармен келіседі.

Қатысушы іс-шара ережелерімен танысқанын растайды, өзінің міндеттемелері мен жауапкершілігін түсінеді, сондай-ақ Ұйымдастыру Комитеті белгілеген барлық талаптарды сақтауға міндеттенеді.

8.5.      Жарыс қашықтықтарының сөрелік жарналарының құны:

• 100 м – 8 000 (сегіз мың)
• 1 000 м – 8 000 (сегіз мың)
• 3 000 м – 8 000 (сегіз мың)
• Эстафета 800 м – 400 м – 200 м – 100 м – 30 000 (отыз мың) теңге

8.6.      Жарыстағы қашықтықты өзгерту тек 2025 жылдың 3 наурызын қоса алғанда ғана мүмкін.

Егер Жарысқа қатысуға арналған слот сатып алынған болса, онда Ұйымдастыру комитетіне хабарласып, қашықтықты өзгерту үшін 1 000 (бір мың) теңге төлеу керек.

Қатысушы жарыс қашықтығын қысқадан ұзағыраққа өзгерткен жағдайда слоттар құнының айырмашылығын да төлейді.

Жарыс қашықтығы ұзағырақтан қысқаға өзгертілсе, слоттар құнының айырмасы қайтарылмайды.

Жарыс қашықтығын өзгерту тек таңдалған Жарыс қашықтықта бос слоттар болған жағдайда ғана жүзеге асырылады. Жарыс қашықтығы бір қашықтықтан екіншісіне ауысқан кезде қатысушының бұрын берілген нөмірі сақталмайды. Қатысушыға таңдалған қашықтыққа сәйкес келетін жаңа нөмір беріледі.

Қашықтықты өзгерту үшін қатысушының жеке кабинетіндегі «Менің жарыстарым» бөліміне өту керек.

8.7.      Ұйымдастырушының 2025 жылғы спорттық күнтізбесі аясында өткізілетін бір спорттық шарадан екінші шараға слотты ауыстыру ақылы негізде жүзеге асырылады.

Қайта ресімдеу құны 1 000 (бір мың) теңгені құрайды. Слотты ауыстыру тек таңдалған шара мен қашықтықта бос слоттар болған жағдайда мүмкін.

Слот ауыстырылған кезде бұрын берілген сөрелік нөмір күшін жояды, ал қатысушыға жаңа нөмір беріледі.

 

8.8.      Жарысқа қатысу үшін енгізілген қаражат қайтарылмайды. Дұрыс емес немесе басқа біреудің сәйкестендіру нөміріне жіберілген қаражат қайтарылмайды.

8.9.      2025 жылдың 03 наурызына дейін сөрелік нөміріңізді басқа қатысушыға қайта рәсімдей аласыз. Ол үшін жеке кабинетке кіріп «Менің жарыстарым» бөлімін таңдап, жаңа қатысушының жеке деректерін енгізу қажет. Қайта тіркеу құны 1000 (бір мың) теңге. Қайта тіркеу үшін жаңа қатысушы almaty-marathon.kz сайтында тіркелген болуы керек.

8.10.    Сөрелік нөмірі жоқ қатысушылар Жарысқа жіберілмейді.

8.11.    Жарысқа қатысушы сөрелік нөмірін анық көрінетіндей етіп кеуде тұсына немесе арнайы белдікке орналастыруы тиіс.

8.12.    Жарысқа өзге біреудің нөмірімен қатысуға тыйым салынады. Жарысқа қатысушы өзінің сөрелік нөмірін басқа қатысушыға бергені белгілі болса, Ұйымдастыру комитеті екі қатысушыны да жарыстан шеттетіп, нәтижелерін жояды, сонымен қатар, екі қатысушыны да келесі 3 (үш) Жарысқа қатысу мүмкіндігінен айырады. 

8.13.    Жарысқа құлаққаппен қатысуға тыйым салынады.

8.14.    Мүгедектігі бар қатысушылар тегін қатыса алады. Ол үшін 2025 жылдың 3 наурызына дейін info@almaty-marathon.kz электронды поштасына өтініш жіберу керек. Өтініште қатысушының:

1. тегі, аты,

2. қашықтығы,

3. мүгедектігін растайтын құжаттар.

Мүгедектігі бар адаммен бірге жүгіретін қатысушы қатысу ақысын жеке төлейді. Мүмкіндігі шектеулі қатысушыларға арналған орындар саны шектеулі. Егер барлық бос орындар бітіп қалған жағдайда, Ұйымдастыру комитеті қатысушыға тегін слот ұсынудан бас тарту құқығын өзіне қалдырады.

9.1.      Жарысқа қатысушыларға арналған сөрелік жинақтарды беру 2025 жылдың 14-15 наурыз күндері сағат 10:00-ден 20:00-ге дейін жүргізіледі. Берілетін орын: Алматы қ. Нақты мекенжайы кейінірек хабарланады.

10.2.    Қатысушының сөрелік жинағына сөрелік нөмір, нәтижені тіркеуге арналған чип, қатысушы жадынамасы, түйреуіштер кіреді.

10.3.    Жарыстың корпоративтік қатысушылары сөрелік жинақтарын Жарысты өткізу туралы осы Ереженің 9.1-тармағында көрсетілген сөрелік нөмірлерді беру уақытында 2025 жылдың 14-15 наурыз күндері ала алады. Сөрелік нөмірді алу үшін жеке куәлігінің түпнұсқасын немесе электронды нұсқасын.

10.4.    Жарысқа қатысушылар мына құжаттарды ұсынған жағдайда ғана жарысқа жіберіледі:

18 жастан асқан қатысушылар үшін:

• Жеке куәлігі (түпнұсқасы немесе электронды нұсқасы);
• Денсаулығы туралы қолхаты (қағазға басып шығарылған немесе онлайн қол қойылған).

Қатысушылар денсаулық туралы қолхатқа Almaty Marathon сайтында онлайн қол қоя алады немесе сөрелік жинақтар берілетін күні QR кодын сканерлеу арқылы қол қоя алады. Электронды қолтаңбамен қол қою үшін ЭЦҚ белсенді кілттерімен EGOV mobile қолданбасын пайдалану қажет. Электронды қолхат болған жағдайда, қағаз нұсқасы қажет болмайды.

10.5.    Егер Жарыс Қатысушысы старттық жинағын өз бетінше ала алмаса, оны жарыс күндерінде басқа адам қатысушының жеке куәлігін (түпнұсқасын немесе электронды форматта) және Қатысушының атынан денсаулығы туралы қолхат (жазбаша немесе электронды форматта) көрсетіп ала алады.

10.6.    Егер қатысушы білмесе / ұмытып кетсе / старттық жинағын уақытында ала алмаса, старттан кейін медаль беру онлайн-трекер арқылы мүмкін емес.

10.7.    Басқа жағдайлар 2025 жылдың 14 наурыз күні сағ. 14:00-ге дейін info@almaty-marathon.kz электронды поштасына өтінім берген кезде жеке қарастырылады.

             

 

11.1.    Ұйымдастырушы қатысушы сөмкесінің ішіндегі заттардың сақталуына жауапты болмайды.

11.2.    Сақтау камерасына шабадандар, ірі көлемді сөмкелер және басқа да заттар қабылданбайды.

11.3.    Ұйымдастыру комитеті сөмкелердегі заттардың жоғалғаны туралы кінәрат-талаптарды қарастырмайды. Ұйымдастыру комитеті бағалы заттарды, қолма-қол ақшаны және әшекейлерді сақтау камерасына өткізбеуге кеңес береді.

 

 

 

 

12.1.    Жарыс қашықтықтары бойынша жарыс қатысушыларының нәтижелерін Жарыстың электронды хронометраж жүйесі тіркейді және Жарыстың төрешілер алқасы растайды. Жарыс қашықтықтары бойынша жарыс жеңімпаздары мен жүлдегерлерін анықтау мәреге жету уақыты бойынша жүзеге асырылады.

12.2.    Жарыс қашықтықтары бойынша жарыс жеңімпаздары мен жүлдегерлерін анықтау World Athletics ережелеріне сәйкес жүзеге асырылады.

12.3.    Жарыстың өткізілу тәртібі:

12.3.1. 100 метр және 1000 метр қашықтықтағы жарыс 2 (екі) кезеңде өтеді (іріктеу және финалдық жүгірулер).

12.3.2. 100 метр қашықтықта қатысушылар тізімі анықталғаннан кейін, спортшылар әрбір жас санатында 8 (сегіз) адамнан топтарға бөлінеді. Өз жас санатындағы ең жылдам 8 (сегіз) қатысушы финалдық жүгіруге шығады, онда жеңімпаздар анықталады. Егер жас санатында қатысушылар саны 8 (сегіз) немесе одан аз болса, онда бірден финалдық жүгіру өткізіліп, жеңімпаз анықталады.

12.3.3. 1000 метр қашықтықта қатысушылар тізімі анықталғаннан кейін, спортшылар әрбір жас санатында 25 (жиырма бес) адамнан топтарға бөлінеді. Өз жас санатындағы ең жылдам 20 (жиырма) қатысушы финалдық жүгіруге шығады, онда жеңімпаздар анықталады. Егер жас санатында қатысушылар саны 25 (жиырма бес) немесе одан аз болса, онда бірден финалдық жүгіру өткізіліп, жеңімпаз анықталады.

12.3.4. 3000 метр қашықтықта қатысушылар тізімі анықталғаннан кейін, спортшылар әрбір жас санатында 25 (жиырма бес) адамнан топтарға бөлінеді. Барлық жүгіру нәтижелері бойынша, әр жас санатындағы ең жылдам үш нәтиже жеңімпаз болып танылады.

12.3.5. Жарысқа қатысушылар өз уақытында ғана сөреге шығуы міндетті. Әрбір санаттың сөрелік уақыты Ұйымдастырушылар тарапынан алдын ала ресми ақпарат көздері арқылы хабарланады. Өз тобына сәйкес келмейтін уақытта сөреге шығу жарыстан шеттетілуге (DNF) әкеледі.

12.3.6. Егер бір жас санатында спортшылар саны 12 (он екі) немесе одан аз болса, финал бір жүгіруде өткізіледі.

12.3.7. Жарыстың ресми нәтижелері Жарыс аяқталғаннан кейін 24 (жиырма төрт) сағат ішінде almaty-marathon.kz сайтында жарияланады.   

12.3.8. Жарысқа қатысушының нәтижесі сөрелік нөмірі кеуде тұсында немесе арнайы белдікте дұрыс бекітілген жағдайда ғана тіркеледі.

12.3.9. Жарыстың Ұйымдастыру комитеті төмендегі жағдайларда Жарысқа қатысушылардың жеке нәтижелерінің тіркелетініне кепілдік бермейді:

• Чип дұрыс бекітілмегенде.
• Чип магнитсізденгенде.
• Чип киіммен немесе басқалай жабылғанда.
• Қатысушы Жарыстың төрешілер алқасының шешімі бойынша жарыстан шеттетілгенде.
• Қатысушы чипті зақымдап алғанда. 

12.4.    Өз нәтижесін қалай түсінуге болады – терминология:

• DNS – Did not start (қатысушы сөреге шықпады).
• DNF – Did not finish (қатысушы мәреге жетпеді).
• DSQ – Disqualified (қатысушы Жарыстан шеттетілді).
• CR – Championship Record (жарыстар рекорды).
• GUN TIME – қатысушының мәреге жету уақыты. Сөре белгісінің берілуінен бастап қатысушының мәре төсеніштерін кесіп өтуіне дейінгі уақыт.
• CHIP TIME – Қатысушының жеке уақыты. Қатысушының сөре төсеніштерін кесіп өтуінен бастап мәре төсеніштерін кесіп өтуіне дейінгі уақыт.

 

МАҢЫЗДЫ! ЖЕҢІМПАЗДАР МЕН ЖҮЛДЕГЕРЛЕР ҚАТЫСУШЫНЫҢ GUN TIME МӘРЕГЕ ЖЕТУ УАҚЫТЫ БОЙЫНША АНЫҚТАЛАДЫ.

 

13.1.    100 м, 1000 м және 3000 м қашықтықтарында 18-24 жас, 25-29 жас, 30-34 жас, 35-39 жас, 40-44 жас, 45-49 жас және 50 жастан асқан ерлер мен әйелдер арасында 1-3 орын алған қатысушылар марапатталады. Жеңімпаздар мен жүлдегерлерге мадақтама қағазы және медаль беріледі.

Эстафета – ерлер командалары арасында абсолюттік біріншілікте 1-3 орын, аралас командалар арасында абсолюттік біріншілікте 1-3 орын алған командалар марапатталады. Жеңімпаздар мен жүлдегерлерге ақшалай сертификат, мадақтама қағазы және кубок беріледі.

13.2.    Жүгіруді аяқтаған барлық қатысушыларға мәреші медалі беріледі.

13.3.    Ақшалай жүлделер Жарыс өткеннен кейін 15 (он бес) жұмыс күні ішінде Жарыс жеңімпазының жеке банктік шотына аудару арқылы беріледі. Ақшалай жүлдені алу үшін Жарыс жеңімпазы Жарыс өткізілгеннен кейін 3 (үш) жұмыс күні ішінде мына құжаттарды жіберуі тиіс:

• Қазақстан Республикасының резиденттері үшін: банктік шоттың болуы туралы анықтаманы, сондай-ақ жеке басты куәландыратын құжаттың көшірмесін.
• Қазақстан Республикасының бейрезиденттері үшін: жеке басты куәландыратын құжаттың көшірмесін, банктің атауын, банк бөлімшесінің мекенжайын және ақшаны алатын қаланың атауын. Құжаттарды info@almaty-marathon.kz электронды поштасына жіберу қажет.

13.4.    Жарысқа қатысушы жүлделі орынды иеленгені үшін сыйлығын Жарыс кезінде алып кетпеген жағдайда, ол оны Жарыс өткеннен кейін 10 (он) жұмыс күні ішінде алып кете алады. Нақты беру орны ресми ақпарат дереккөздерде жарияланады. Жарысқа қатысушы сыйлықтарды өздігінен алып кете алмайтын және оларды алуды сенімді адамға табыстай алмайтын жағдайда, Жарыс жеңімпазы info@almaty-marathon.kz электронды поштасына Ұйымдастыру комитеті алушының есебінен сыйлықтарды жолдай алатын мекенжайды жіберуі тиіс. Бұл мүмкіндік Қазақстан Республикасының резиденттеріне ғана беріледі.

13.5.    Мерзім аяқталғаннан кейін Ұйымдастырушы жеңімпаздарға сыйлықтарды бермеу құқығын өзіне қалдырады. 

Жарыстар World Athletics (бұдан әрі – WA) ережелері бойынша өткізіледі. 

14.1. Біздің ұсынымдарымыз:

• Екі және одан көп қатысушылармен бір қатарда жүгірмеу.
• Жай жүруге көшкенде жолдың оң жағын ұстану.

14.2. Мыналарға тыйым салынады:

• Арбадағы спортшылардан және балаларға арналған арнайы жүгіру арбалары бар қатысушылардан басқа барлық адамдарға кез келген механикалық көлік құралдарын (самокат, велосипед, роликтер және т.с.с.) пайдалануға.
• Жарысқа құлаққаппен қатысуға. Қатысушы басқа жүгірушілердің, төрешілердің, ұйымдастырушылардың және Жарысты ұйымдастыруға тартылған адамдардың ескертулерін естуге міндетті.
• Жануарлармен қатысуға.
• Алкогольден немесе есірткіден масаю күйінде қатысуға.
• Басқа қатысушыларға қауіпті болуы мүмкін кез келген заттармен қатысуға.
• Серуендеу арбаларымен қатысуға.
• Трассада тоқтауға. Өзін нашар сезінген жағдайда, қатысушы мүмкіндігінше Жарыстың басқа қатысушыларының қозғалысына кедергі келтірмей, тоқтап, жол шетіне шығуы қажет.
• Қатысушылардың қозғалысына және жарысты ұйымдастыруға кез келген басқа да тәсілдермен кедергі жасауға.
• Қатысушы тамақ немесе сусын алып жатқан кезде команданың ресми тұлғалары мен басқа да адамдардың ешқайсысы қатысушының жанында болуға, жүруге, жүгіруге құқылы болмайды.
• Ережені бұзғаны үшін қатысушы жарыстан шеттетіледі.

 

15.1. Жарыстың Ұйымдастыру комитеті мына жағдайларда Жарысқа қатысушыны Жарыстан шеттетуге құқылы:

• қатысушы жүгіруді сөре ресми түрде басталмай тұрып бастағанда;
• қатысушы жүгіруді сөре аймағы жабылғаннан кейін бастағанда;
• қатысушы сөреге сөрелік нөмірсіз шыққанда;
• қатысушы Жарыстың Ұйымдастыру комитетінің, төрешілерінің немесе бас дәрігерінің нұсқаулары мен ескертулеріне назар аудармағанда;
• қатысушы Жарыс ережелерін бұзғанда;
• қатысушы 2 (екі) қашықтықта немесе 2 (екі) және одан көп команданың құрамында жүгіргенде, бұл қатысушының да, командалардың да Жарыстан шеттетілуіне алып келеді.

15.2.    – Медициналық көрсетімдер бойынша жарыс төрешілері берген немесе олардың басшылығымен берілген жағдайлардан басқасында, тамақты немесе суды ресми тамақтану орны болып табылмайтын басқа жерден алған;

– немесе басқа қатысушыдан алған қатысушыға төреші бастапқыда сары қағаз көрсету арқылы ескерту жасауы тиіс. Ережені екінші рет бұзғанда, төреші қызыл қағаз көрсету арқылы қатысушыны жарыстан шеттетуі тиіс.

15.3.    Ұйымдастыру комитеті Жарыс кезінде бейнекамера, мобильді телефон немесе смартфон, радио, плеер, құлаққап және басқа да аппаратура қолданған қатысушыны жарыстан шеттетуге құқылы.

15.4.    Жарысқа қатысушылар мына жағдайларда қорытынды хаттамадан шығарылады:

• қатысушы басқа адамға тіркелген нөмірмен жүгіргенде;
• қатысушы қашықтықты қысқартқанда;
• қатысушы өтінім берілмеген қашықтықта жүгіргенде;
• қатысушы механикалық көлік құралын (велосипедті, самокатты, басқаларын) пайдаланғанда;
• қатысушы жүгіруді сөре аймағынан тыс бастағанда;
• қатысушы жүгіруді өз кластерінен бастамағанда;
• қатысушы нақты жарыстың ресми нөмірінсіз жүгіргенде немесе нөмір киімнің астында жасырылғанда;
• қатысушы осы Ереженің қағидаларын бұзғанда.

15.5.    Қатысушы шараны ұйымдастырушыларға, төрешіге, волонтерларға қатысты әдепсіз, дөрекі немесе қорлайтын сөздерді қолданғаны үшін жарыстан шеттетілуі мүмкін.

15.6.    Жарысқа қатысушылардың рұқсат етілмеген саяси, әлеуметтік және т.с.с. митингтерді, арандатушылық үндеулерді, саяси үгіттеуді, наразылық акцияларын, демонстрацияларды өткізуіне, сондай-ақ саяси немесе әлеуметтік бағытпен байланысты кез келген атрибуттарды, логотиптерді пайдалануына тыйым салынады. Осы тармақты бұзғаны үшін қатысушы Қазақстан Республикасының заңнамасына сәйкес жауапты болады.

 

16.1.    Жарыстың төрешілер алқасы Жарыс ережелерінің сақталуын, Жарысқа қатысушылардың арасында спорттық доданың әділ және адал жүргізілуін, ал Жарыс жеңімпазының объективті түрде анықталуын мұқият қадағалайды. Жарысқа қызмет көрсететін барлық спорт төрешілері Жарыстың төрешілер алқасын құрайды.

16.2.    Жарыстың Төрешілер алқасының құрамына мыналар кіреді:

• Жарыстың Бас төрешісі

Жарыстың Бас төрешісі Жарыстың жекелеген төрешілері арасында міндеттерді бөледі және Жарыс аяқталғаннан кейін Ұйымдастыру комитетіне есеп береді.

 

• Жарыстың Бас хатшысы

Жарыстың Бас хатшысы хаттамаларды өңдейді және нәтижелерді қорытады, төрешілерді, қатысушыларды және көрермендерді жарыстың барысы туралы хабардар ету үшін қажетті материалдарды уақтылы дайындайды, ал Жарыс аяқталғаннан кейін нәтижелер бойынша жалпы есепті құрастырады.

 

• Жарыстың сөре-мәре аймағының төрешілері

Жарыстың сөре-мәре аймағының төрешілері жарыс кезінде ережелердің сақталуы және ешкімнің артықшылықтарға ие болмауы үшін Жарысқа қатысушылардың қашықтыққа кластерлерге сәйкес шығуын қатаң қадағалайды. Мәре түзуінде төрешілер алғашқы 50 (елу) мәрешіні мәре хаттамаларына тіркейді. Хаттамалар нәтижелерді хронометраж жүйесімен салыстырып тексеру үшін Жарыстың Бас төрешісіне ұсынылады. Жарыстың төрешілер алқасына кәсіби спортшылар мен мамандар шақырылуы мүмкін.

16.3.    Жарыстың Бас дәрігері

Жарыстың Бас дәрігері жарыс жолында және Жарыстың сөре-мәре қалашығында медициналық қызметкерлер мен Жарыс еріктілерінің жұмысына жетекшілік етеді. Қажет болған жағдайда, Жарыстың Бас дәрігері қатысушыны Жарыстан алып тастай алады.

17.1.    Қазақстан Республикасының мемлекеттік органдары/ұйымдары/қызметтері, соның ішінде жергілікті өзін-өзі басқару органдары тарабынан Жарысты өткізуге ресми тыйым салынған жағдайда, Жарыс кейінірек мерзімге ауыстырылады. Жарысқа қатысушылардың осыған дейін төлеген барлық сөрелік жарналары автоматты түрде Жарыс өтетін жаңа күнге ауыстырылады. Жарысты өткізудің нақты жаңа күні осы Ереженің 20-бабында көрсетілген Ұйымдастыру комитетінің Ақпараттық дереккөздерінде, сондай-ақ қатысушының Жарысқа тіркелу кезінде көрсеткен электронды поштасына таратылым жіберу арқылы кейінірек хабарланады.

17.2.    Қазақстан Республикасының мемлекеттiк нормативтiк-құқықтық актiлерiне байланысты Жарыстың басқа елден келетін шетелдiк қатысушысы Жарыстың басталу қарсаңында Қазақстан Республикасының мемлекеттiк шекарасынан өте алмаған және Жарысқа қатыса алмайтын жағдайда, ол Ұйымдастыру комитетіне өзінің сөрелік жарнасын 2026 жылғы «Almaty Copa Run» жарысына ауыстыру туралы өтінім бере алады. Бұл жағдайда өтінім info@almaty-marathon.kz электронды поштасына жіберілуі тиіс.

18.1.    Наразылықтар Жарыстың Ұйымдастыру комитетіне беріледі және оларды Жарыстың төрешілер алқасы қарайды.

18.2.    Жарысқа Қатысушы Жарыс аяқталғаннан кейін күнтізбелік 2 (екі) күн ішінде кінәрат-талап қоюға құқылы.

Кінәрат-талаптар info@almaty-marathon.kz электронды поштасына жіберіледі.

 

Кінәрат-талап қою кезінде Жарысқа қатысушы мына деректерді көрсетуі қажет:

• қатысушының аты-жөні (анонимді өтініштер қаралмайды);
• кінәрат-талаптың мәні;
• кінәрат-талап қою негіздері (фотосурет немесе бейнежазба).

18.3.    Жарыстың Ұйымдастыру комитеті наразылық және/немесе кінәрат-талап алынған мезеттен бастап 2 (екі) жұмыс күні ішінде Жарыс қатысушысына ресми жауап дайындайды, ол кінәрат-талап/наразылық берілген электронды адреске жіберіледі.

18.4.    Кінәрат-талаптар тек Жарысқа қатысушылардан ғана қабылданады.

19.1.    Бұқаралық ақпарат құралдарын Жарысқа аккредиттеу үшін деректерді (БАҚ атауы, тілшінің, оператордың, фотографтың аты-жөні, байланыс телефоны және e-mail-і) 2025 жылдың «14» наурызға дейінгі мерзімде prmanager@almaty-marathon.kz электронды поштасына жіберу қажет.

20.1.    Жарыс туралы толық ақпарат almaty-marathon.kz сайтында, сондай-ақ Ұйымдастыру комитетінің келесі әлеуметтік желі аккаунттарында орналастырылған:

• https://www.facebook.com/almatymarathon/
• https://www.instagram.com/almatymarathon/
• t.me/almaty_marathon
• https://vk.com/almatymarathon

 

Жарыстың Ұйымдастыру комитеті басқа ақпараттық ресурстарда орналастырылған ақпарат үшін жауапкершілік көтермейді.

 

21.1.    Жарыс туралы ақпаратты бұқаралық ақпарат құралдарында жариялаудың: спорттық жарыстың бейнесін және (немесе) дыбысын кез келген тәсілмен және (немесе) кез келген технологияның көмегімен трансляциялаудың, сондай-ақ трансляцияны бейнежазбаға түсірудің айрықша құқығы «Бірінші болу – батылдық» корпоративтік қорына (бұдан әрі — Құқық иесі) тиесілі.

Құқық иесі спорттық жарыс туралы ақпаратты жариялау құқықтарын үшінші тұлғалардың сатып алуы туралы жазбаша түрде шарттар жасасуға құқылы.

 

22.1.    Жарысты өткізу туралы осы Ереже Жарысқа қатысуға ресми шақыру болып табылады.

22.2.    Ұйымдастыру комитеті жарысқа қатысушыларға жазатайым оқиғалар, жеке заттарының жоғалуы немесе мүліктің зақымдануы салдарынан келтірілген залал үшін жауап бермейді.

22.3.    Ұйымдастыру комитеті қатысушылардың денсаулығы үшін, сондай-ақ жарысты дайындау барысында немесе өткізу кезінде туындаған жарақаттар, аурулар немесе басқа да медициналық проблемалар үшін жауап бермейді. Әрбір қатысушы өзінің денсаулығы мен физикалық жағдайына толық жауап береді және қажет болған жағдайда жарысқа қатыспас бұрын медициналық тексеруден өтуге міндеттенеді.

22.4.    Ұйымдастыру комитеті Жарысты өткізу туралы осы Ережеге өзгерістер енгізу құқығын өзіне қалдырады.