Біздің миссия – Қазақстан тұрғындарын шабыттандыру және белсенді өмір салты үшін мүмкіндіктер жасай отырып, олардың денсаулығын қолдау. Біз – адамдарды белсенді болуға және қоғамның дамуына үлес қосуға ынталандыратын елдегі ең үлкен жүгірушілер қауымдастығымыз.
KORPORATIVTIK QOR
«БІРІНШІ БОЛУ – БАТЫЛДЫҚ» КОРПОРАТИВТІК ҚОРЫ ЖҮГІРУГЕ ЕРЕКШЕ МӘН БЕРЕ ОТЫРЫП, СПОРТ АРҚЫЛЫ САЛАУАТТЫ ӨМІР САЛТЫН НАСИХАТТАУДЫ МАҚСАТ ЕТЕДІ.
Қор өз қызметін 2012 жылы Орталық Азиядағы жүгіру қозғалысын бастаған және уақыт өте келе әлемнің түкпір-түкпірінен мыңдаған қатысушыларды жинап, халықаралық іс-шараға айналған Almaty Marathon алғашқы ауқымды жүгіру оқиғасын өткізуден бастады. Марафонның негізін қалаушы — кәсіпкер және филантроп Ғалымжан Есенов.
Бүгінде «Бірінші болу – батылдық» корпоративтік қоры – бұл Almaty Marathon, Almaty Half Marathon, Astana Half Marathon, Turkistan Marathon, Taraz City Run – жылына онға жуық жүгіру іс-шарасы:
| Қауіпсіздік | Жүгірушілердің қауіпсіздігі – біздің басымдығымыз. Біз іс-шараларымызға қатысатын әрбір адамның денсаулығына қауіп төндірмей, олардың жүгіруден ләззат алуы үшін барлық жағдайды жасауға тырысамыз. |
| Инклюзивтілік | Қордың іс-шаралары адамдардың жынысына, жасына, физикалық мүмкіндіктеріне, жүгіру тәжірибесіне және басқа да ерекшеліктеріне қарамастан барлығына ашық инклюзивті орта жасайды. Біздің қоғамдастықта әрбір қатысушы тең және бірдей қабылданады. |
| Бұқаралық | Біз тек спорттық іс-шараларды ұйымдастырып қана қоймаймыз. Біз мыңдаған адамды біріктіретін қуаныш, құрмет пен қолдауға толы атмосфераны жасаймыз. Белсенді өмір салтына шабыттандыра отырып, біз әрбір қатысушыға бірегей, трансформациялық тәжірибе ұсынамыз. |
| Әлеуметтік жауапкершілік | Біз үшін спорт – қоғамдағы оң өзгерістердің құралы. Біз тегін жаттығулар ұйымдастырамыз, еріктілер қозғалысын дамытамыз және қайырымдылық бастамаларын қолдаймыз. Бізбен бірге адамдар пікірлес ортаны табады, қала мен ел өміріне араласу, оған жан ашу сезімдерін дамытады. Біз спортты қолжетімді етеміз және қазақстандықтар үшін жүгіру мәдениетін жаңа деңгейге көтереміз. Тек спортшыларды ғана емес, сонымен қатар компанияларды, ұйымдарды және бұқаралық ақпарат құралдарын тарту арқылы біз елдегі жүгіру инфрақұрылымының дамуына ықпал етеміз. |
| Белсенді өмір салты | «Бірінші болу – батылдық» корпоративтік қоры – белсенді және салауатты өмір салты құндылықтарын насихаттау. Біз адамдарды спортқа, жаңа жетістіктерге және өзін-өзі тануға шабыттандырамыз, физикалық және психикалық денсаулық туралы хабардарлықты арттырамыз. Біз әркімнің өзі ойлағаннан да көп нәрсеге қабілетті екеніне шын жүректен сенеміз. Біздің іс-шараларымыз – сынақтан өтуге және жеңуге тамаша мүмкіндік. |
| Инновациялар | Біз іс-шараларды ұйымдастыруда озық шешімдерді енгізіп жатқанымызды мақтан тұтамыз. Жүгірушілеріміздің тәжірибесін жақсартуға үнемі ұмтыла отырып, біз марафонды барлығына қ |
| Экологиялық тұрақтылық | Біз қоршаған ортаны сақтау жауапкершілігін жоғары қоямыз және тұрақты болашақ үшін белсенді қадамдар жасаймыз. Біз үнемі іс-шараларымызды экологиялық тұрғыдан қолайлы етудің жаңа жолдарын іздейміз және осы тәжірибемен бөлісеміз. |
| Жаһандану | Біз әлемнің түкпір-түкпірінен қатысушылар мен серіктестерді тарту арқылы халықаралық байланыстарды кеңейтеміз. Біздің жарыстарымыздың географиясы мәдени алмасу және туризмді дамыту үшін мүмкіндіктер жасай отырып, жаңа өңірлерді қамтиды. Жыл сайын мыңдаған жүгірушілер мен көрермендерді қабылдай отырып, біз олар үшін Алматы мен Қазақстанның бай мәдениеті мен бірегей көрікті жерлеріне жол ашамыз. |
БІЗДІҢ БОРЫШЫМЫЗ
ҚОРДЫҢ МАҚСАТЫ
Белсенділікті насихаттайтын, адамдарды тартатын және ең жоғары халықаралық стандарттарға сәйкес келетін жарқын және ауқымды спорттық іс-шараларды ұйымдастыру.
ҚОР ЖҰМЫСЫНЫҢ НӘТИЖЕСІ
Қазақстандықтардың көбі жарқын болашақ үшін күш біріктіре отырып, белсенді және салауатты өмір салтын таңдайды.
КОРПОРАТИВТІК ҚОРЫНЫҢ КОРПОРАТИВТІ - ӘЛЕУМЕТТІК ЖАУАПКЕРШІЛІГІ
Біздің іс-шаралар белсенді өмір салтын ұстануға, өсуге және мақсаттарға жетуге, пікірлес адамдарды табуға және сана-сезімді дамытуға көмектеседі.
Бізге сенудің себептері
Біз Қазақстанда сапалы және қауіпсіз спорттық іс-шараларды ұсына отырып, процестерді үнемі жетілдіріп отырамыз.
2012
«Бірінші болу – батылдық» қайырымдылық марафоны» атауымен алғашқы Almaty Marathon өтті. Жарысқа 10-14 жастағы балаларды қосқанда 2500 адам қатысты.
2013
Almaty Marathon 120 елде 400-ден астам марафондар мен жүгіру жарыстарын біріктіретін AIMS Халықаралық марафондар және жүгіру қауымдастығының бөлігіне айналды.
2018
Almaty Marathon маршруттары мен трассалары IAAF Халықаралық жеңіл атлетика федерациялары қауымдастығының стандарттарына сәйкес өзгертілді және сертификатталды.
2019
Almaty Marathon-ға қатысушылардың рекордтық саны – 17 000 адам қатысты.
Қалдықтарды бөлек жинау жүйесі енгізілді. Орташа алғанда, әр марафоннан 412 кг пластик, 211 кг картон, 93 кг полиэтилен және 45 кг алюминий жинауға болады.
2021
Almaty Marathon 2020 коронавирус пандемиясына байланысты тоқтатылды.
2022
Марафондар Алматыдан тыс өңірлерге шығып, тарихта алғаш рет Астанада жартылай марафон және Түркістанда марафон сәтті өтті.
2023
Скандинавиялық жүріс жаппай жарысы бойынша Қазақстан рекорды орнатылды, оған 600 адам қатысты.
1377-ден астам балаға арналған сегіз қайырымдылық жобасын іске асыруға 65,5 млн теңге көлемінде рекордтық қаражат жиналды.
2024
Қор күнтізбесінде жаңа қала – Тараз пайда болды және дәл осы жерде Taraz City Run маусымының қорытынды жарысы өтті. Қордың басты мақсаттарының бірі – өңірлерде жүгіруді дамыту.
2023 жылдың желтоқсанында марафонға дайындық үшін тегін жаттығулар басталды. Нәтижесінде 60 қатысушының 20-сы марафонды сәтті өткізді.