25 қыркүйекте Алматы қаласы жолдарының бір бөлігі жабылады

«Алматы марафоны» жүгіру жарысының ұйымдастыру комитеті оңтүстік астана тұрғындарына жарыс өтетін күні жолдардың ішінара жабылатыны туралы хабарлайды.

24 қыркүйек күнгі сағ. 6:00-ден бастап 25 қыркүйек күнгі сағ. 18:00-ге дейін марафон қашықтықтары өтетін жерлерде жолдардағы қозғалыс ішінара жабылады. Спортшылардың қашықтықты жүгіріп өту шамасына қарай жолдар ашылып отырады.

Марафонның сөресі мен мәресі Республика алаңында болады, сондықтан 24 қыркүйек күнгі сағ. 6:00-ден бастап 25 қыркүйек күнгі сағ. 18:00-ге дейін Сәтбаев көшесінде Желтоқсан көшесінен бастап Назарбаев даңғылына дейінгі жол бөлігінде екі қозғалыс жолағы да жабылады.

25 қыркүйекте:

Назарбаев даңғылында Сәтбаев көшесінен әл-Фараби даңғылына дейінгі жол бөлігінде сағ. 7:00-ден 10:40-қа дейін қозғалыс толық жабылады.

Әл-Фараби даңғылында Назарбаев даңғылынан Достық даңғылына дейінгі жол бөлігінде шара өтетін күні сағ. 7:00-ден 8:45-ке дейін қозғалыс толық жабылады.

Әл-Фараби даңғылында Назарбаев даңғылынан Шашкин көшесіне дейінгі жол бөлігінде сағ. 7:00-ден 11:10-ға дейін қозғалыс ішінара жабылады, көшенің оңтүстік жағы көлік қозғалысына ашық болады.

Әл-Фараби даңғылында Шашкин көшесінен Саин көшесіне дейінгі жол бөлігінде сағ. 7:00-ден 13:30-ға дейін қозғалыс ішінара жабылады, көшенің оңтүстік жағы көлік қозғалысына ашық болады.

Саин көшесінде әл-Фараби даңғылынан Абай даңғылына дейінгі жол бөлігінде сағ. 7:00-ден 13:30-ға дейін қозғалыс ішінара жабылады, көшенің батыс жағы көлік қозғалысына ашық болады.

Абай даңғылында Саин көшесінен Байтұрсынов көшесіне дейінгі жол бөлігінде сағ. 7:00-ден 13:00-ге дейін қозғалыс ішінара жабылады, даңғылдың солтүстік жағы көлік қозғалысына ашық болады.

Байтұрсынов көшесінде Абай даңғылынан Сәтбаев көшесіне дейінгі жол бөлігінде сағ. 7:00-ден 14:00-ге дейін қозғалыс толық жабылады.

Сәтбаев көшесінде Байзақов көшесінен Байтұрсынов көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.

Сәтбаев көшесінде Байтұрсынов көшесінен Желтоқсан көшесіне дейінгі жол бөлігінде сағ. 7:00-ден 13:30-ға дейін қозғалыс толық жабылады.

Байзақов көшесінде Тимирязев көшесінен Сәтбаев көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.

Тимирязев көшесінде Шашкин көшесінен Байзақов көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.

Шашкин көшесінде әл-Фараби даңғылынан Тимирязев көшесіне дейінгі жол бөлігінде сағ. 7:00-ден 10:35-ке дейін қозғалыс толық жабылады.

Деректер жарысқа қатысушылардың қозғалыс уақытының ұтымды бөлінуін ескере отырып енгізілді.

2022 жылғы «Алматы марафоны» (24.09.2022-25.09.2022) үшін жолдарды жабу кестесі

Республика алаңына автокөлікпен жету үшін ұсынылатын маршрут:

1. Желтоқсан көшесінің бойымен оңтүстікке қарай Сәтбаев көшесіне дейін
2. Сәтбаев көшесінің бойымен батысқа қарай Назарбаев даңғылына дейін
3. Назарбаев даңғылының бойымен оңтүстікке қарай Сәтбаев көшесіне дейін
4. Әл-Фараби даңғылының оңтүстік жағымен Нұрлы Тауға дейін көлікпен жетіп, Алаңға дейін жаяу бару
5. Абай даңғылының бойымен батысқа қарай Желтоқсан көшесіне дейін
6. Шевченко және Құрманғазы көшелерінің бойымен Желтоқсан көшесіне дейін
7. Метромен «Абай» станциясына дейін

Естеріңізге сала кетейік, 25 қыркүйекте жыл сайынғы ең ірі жүгіру жарысы –  «Алматы марафоны» өтеді. Жүгіру әуесқойларына мына қашықтықтар ұсынылады: 10 км, 21,1 км, 42,2 км, Экиден командалық эстафетасы, 10 км скандинавиялық жүріс. Қатысушылардың жас мөлшері: 10 км және 10 км скандинавиялық жүріс қашықтығында – 15 жастан бастап, 21,1 км және 42,2 км қашықтығында – 18 жастан бастап, Экиден командалық эстафетасы – 16 жастан бастап. Биылғы жылы сөреге 12 000-ға жуық қатысушы шығады. Сонымен қатар, биылғы жылы «Алматы марафоны» аясында алғаш рет марафоннан және 10 км-ге жүгіруден ҚР чемпионаты өтеді.

«Алматы марафоны» – көздеген мақсаттарының бірі қайырымдылық жасау болып табылатын спорт шарасы. «Алматы марафоны» жыл сайын «Алматы марафонына» тіркеу жарналарынан түскен қаражаттың бір бөлігін ерекше қажеттіліктері бар балаларға қажетті спорттық инфрақұрылымды құруға жұмсайды. Мәселен, өткен жылы қайырымдылық көмектің жалпы сомасы 40 000 000 теңгені құрады.

Сөре уақыты:

07:30 – 42,2 км, Экиден қашықтығының сөресі

07:40 – 21,1 км қашықтығының сөресі

07:55 – 10 км қашықтығының сөресі

08:10 – 10 км скандинавиялық жүріс қашықтығының сөресі

БАҚ өкілдері үшін марафонға тіркелу міндетті. Бұл үшін prmanager@almaty-marathon.kz электронды поштасына жазу қажет.

Алматы марафонының ұйымдастырушылары: «Бірінші болу – батылдық» корпоративтік қоры, «World Class Almaty» фитнес-клубы, Академик Ш.Есенов атындағы ғылыми-білім беру қоры және #Сеніңжаңақырың мультиспорттық Youtube-арнасы.

Бас серіктес: Kaspi.kz.

Құрметті серіктестер: Sulpak