Tour of World Class Almaty 2023 веложарысы қалай өтті: нәтижелері

Жарысқа қатыса отырып, әуесқой велосипедшілер өздерін нағыз велошабандоздар ретінде сезініп, барлық мүмкіндіктерін көрсете алды. Қатысушылар тас жолды немесе МТВ (тау) велосипедтерінде 48,5 км, 35 км және 14 км үш қашықтықта жарысты. Жарыстарға 700-ге жуық адам қатысты.

Веложарыс «Almaty Arena» көпфункционалды кешенінің аумағында басталған болатын. Іс-шара таңғы 6:00-де 48,5 км қашықтықтан басталды. Жарысты жас қатысушылар 14 км қашықтыққа аяқтады.

Әдет бойынша, 48 км қашықтықтағы жарыс қорытындысы бойынша жеңімпаздарға тұғырда құйылу үшін шампан табысталды. Абсолютті есепте ең жылдам шабандоздар ақшалай сыйлықтармен марапатталды: бірінші орын үшін 100 000 теңге, екінші орын үшін 80 000 теңге және үшінші орын үшін 60 000 теңге. Бірінші орынға ие болған қатысушылар сонымен қатар көшбасшылардың дәстүрлі сары жейделерін алды. Үздік мәре уақытын алматылықтар Евгений Сладков (1:10:40) және Екатерина Шатная (01:17:33) көрсетті.

Нәтижелердің толық тізімін сайтта танысуға болады.

Жарыстың әрбір қатысушысы олардың жетістіктері мен табандылығын білдіретін мәреші медалімен марапатталды. 48,5 км, 35 км және 14 км қашықтықтағы әр түрлі жас санаттарындағы жеңімпаздарға медальдар мен серіктестеріміздің бағалы сыйлықтары табысталды.

 «Almaty Arena және Алматының өнеркәсіптік орталық аймағы арқылы өткен өзгерістерге ұшыраған бағытына қарамастан, Tour of World Class Almaty сегізінші веложарысы сәтті өтті. Біз осы үлкен спорттық мерекені өткізгенімізге аса қуаныштымыз. Әуесқой велоспортпен айналысатын адамдардың саны жыл сайын артып келе жатқанын атап өту маңызды. Егер алғашқы жылдары 500 жуық қатысушы болса, қазір олардың саны 700-ден асады. Бұл ретте біздің қонақтарымыз Қазақстанның әртүрлі қалаларынан ғана емес, Қырғызстан, Ресей, Ұлыбритания, Ирландия, Германия, Австрия, АҚШ, Канада, Испания, Араб Әмірліктері және Грузия сияқты басқа елдерден де келеді», –  деп Race-директор Салтанат Қазыбаева түсініктеме берді.

Естеріңізге сала кетейік, 1 қазанда Орталық Азиядағы ең ауқымды жарыс – «Алматы марафоны» өтеді, оған 15 мыңнан астам адам қатысады. Тіркеу ресми сайтында ашық.

Tour of World Class Almaty бас серіктесі: Allur | JETOUR

Ұйымдастырушылар: «Бірінші болу – батылдық» корпоративтік қоры, «World Class Almaty» фитнес-клубы, Академик Ш.Есенов атындағы ғылыми-білім беру қоры және #Сеніңжаңақырың мультиспорттық Youtube-арнасы.