Winter Run 2025: Алматы облысындағы қарлы жолда жүгіру маусымының ашылуы

23 ақпанда «Бірінші болу — батылдық» корпоративтік қорының маусымдағы алғашқы жүгіру шарасы — Winter Run он бірінші рет өтті. Биылғы жүгіру көрікті табиғаты мен қысқы атмосферасы бар «Сегіз көл» демалыс орталығында өтті. Сөреге 11 елден 2000 қатысушы шықты.

Өткен жексенбі таңы Алматы облысының жүгірушілері үшін әдеттегіден ертерек басталды. Winter Run 2025 қатысушылары таң ата маусымның алғашқы жүгіруіне жақындарымен асықты. Мұнда үш қашықтық ұсынылған: 10 км, 7 км скандинавиялық жүріс және балаларға арналған 3 км қашықтық. Барлық мәреге жеткендерді бірегей медаль, ал ең жылдамдарды серіктестердің жүлделері күтті.

«Сегіз көл» демалыс орталығында қатысушылар отбасымен, жұптармен, жүгіру клубтарымен орналасты. «Krida» фитнес-клубы қуаттандыратын жаттығу өткізді: сағат таңғы 9 болмай, алғашқы болып -—3 км қашықтықтағы балалар (10-14 жас) сөреге шықты. Жас жүгірушілерді мультфильмдердегі сүйікті кейіпкерлер сүйемелдейді, ал мәреде оларды сабын дискотекасы, байқаулар мен тәттілермен шоу күтті.

Балалардан кейін қарлы тау шыңдарының керемет көрінісі бар тегіс жарыс жолына 10 км қатысушылары аттанды. Осы жерде скандинавиялық жүрудің жанкүйерлері: олар 7 км-ді еңсерді.

Winter Run 2025 — Community Almaty Run қатысушылары үшін алғашқы бірлескен ресми жүгіру. Жыл басынан бастап олар жексенбілік жүгірулер мен пайдалы дәрістерге жиналады.

«Биыл негізгі сөреден бөлек, біз қатысушыларға қосымша іс-шаралар дайындадық. Жаңа жоба Community Almaty Run — тәжірибесімен бөлісуге, бір-бірін қолдауға және Almaty Marathon-ға бірге дайындалуға дайын жүгіру әуесқойларының қауымдастығы. Әр жексенбі біз жиналамыз, жүгіреміз және дәрістер тыңдаймыз. Біз үшін қауымдастықты дамыту және жүгірушілерді ақпараттандыру маңызды», - деді «Бірінші болу — батылдық» корпоративтік қорының атқарушы директоры Салтанат Қазыбаева.

Мәреде бақытты спортшылар жарқын күлкі мен медальдармен жүрді. Жанында 10 км қашықтықтағы ең жылдам және төзімділерді марапаттау өтті.

Әйелдер арасында жеңімпаз ресейлік Марина Ковалева атанды, ол қашықтықты 35 минут 29 секундта еңсерді. Екінші орынды Светлана Куделич Беларусьтан 35 минут 41 секунд нәтижесімен өтті. Үшінші болып қазақстандық Ксения Авдеева 36 минут 8 секунд уақыт көрсетіп мәреге жетті.

Ерлер арасында қазақстандық Рахимжан Кельманов 32 минут 3 секунд нәтижесімен бірінші болды. Ресейлік Михаил Кульков 32 минут 9 секундта екінші болып мәреге жетті. Қашықтықты 32 минут 17 секундта өтіп, үшінші орынды ресейлік Александр Павленин иеленді.

Жүгіру маусымы ресми түрде ашылды. Алдағы уақытта «Бірінші болу — батылдық» КҚ-ның дәстүрлі сөрелер сериясы: маусымдық Winter Run, Summer Relay, City Run, Almaty Copa Run, Tau Jarys жүгірулері, Almaty Half Marathon және Astana Half Marathon жартылай марафондары, Түркістандағы Turkistan Marathon марафоны және жылдың ең маңызды оқиғасы — Almaty Marathon өтеді. «Almaty Half Marathon» және «Almaty Marathon» тіркелуі қазірдің өзінде ашық. Жаңа маусымда түркі елдерінің жүгірушілеріне TAN жүгірулер сериясын өтіп, халықаралық жүгіруші медалін алу мүмкіндігі де пайда болды.

Winter Run 2025 титулдық демеушісі — Kaspi.kz. Ұйымдастырушылар «Бірінші болу — батылдық» корпоративтік қоры, «Krida» фитнес-клубы, академик Ш.Есенов атындағы Ғылыми-білім беру қоры және #Другой ты мультиспорттық Youtube-арнасы.